Descrición

Na parte baixa da vila atopamos un recuncho moi interesante no que destaca un hórreo de boa dimensión e bastante ben conservado. Tamén merece a pena pararse na pequena ponte de madeira, máis ben unha pasarela, sobre o Rego de Valín Seco, que posteriormente se xunta co EO.

Localización

Seguindo a LU-530, en dirección á Fonsagrada e pasado o pobo da Lastra, collemos un desvío á esquerda, por unha pista asfaltada que nos leva ata Cabreira. Forma parte do sendeiro PR G-145 Ruta da Marronda.