Descrición

Trátase dunha pequena capela na que destacan elementos singulares, como un particular campanario cadrado no alto do tellado de lousa a catro augas, dúas xanelas no lateral ou estar parcialmente encalada. Capítulo á parte merece a entrada, cunha porta e as habituais xanelas para ver o altar, en madeira delicadamente traballadas. Moi preto atopamos un hórreo en bastante bo estado, dominando o val. Esta é unha pequena zona vitivinícola, a única de Ancares Terras de Burón e con dominio da variedade "branca lexítima", o que lle engade un atractivo visual especial.

Localización

Dende o centro da vila de Negueira, tómase dirección sur para coller á esquerda a estrada de Pieiga, a escasos 2,5 km por esta estrada paralela ó encoro atopamos Pieiga.