Descrición

Sobre unha pequena campa orientada ao norte, nos arredores de San Román, atópase este conxunto etnográfico formado por dúas pallozas e un hórreo tradicional, en representación dos elementos construtivos máis identitarios de Ancares Terras de Burón. As pallozas eran de planta circular, muros de pedra e teitume a base de atados de palla de centeo ou "colmo", no interior habitaban as persoas e os animais. As deste parque mostran no seu interior unha boa colección de pezas e elementos domésticos. Os hórreos son de base cadrada, construídos en madeira de castiñeiro e co mesmo tipo de cuberta vexetal que as pallozas, a miúdo a catro augas, aínda que con frecuencia substituíuse por laxas de lousa.

Localización

Na vila de San Román de Cervantes.