Descrición

Esta área recreativa está situada no centro de Navia de Suarna, a carón do río e moi preto do que queda do "vanzado" ou encoro que se utilizaba para almacenar a auga do río e canalizala ata o muíño que vemos no lado oposto. Esta construción, de tres plantas e en uso ata hai pouco, foi tamén unha central eléctrica. A zona conta con mesas e bancos de madeira, nunha ampla zona de céspede e árbores, algúns con boa parte das súas raíces ao descuberto pola crecida do río. Forma parte dun agradable paseo pola beira do Navia que nos achega á emblemática ponte medieval, ao castelo, etc.

Localización

Atópase no núcleo da Pobra, á beira do río Navia.