Descrición

Situada na parte alta do pobo, ao pé da estrada N-VI, trátase dun conxunto restaurado recentemente e formado por tres elementos, a propia fonte, un amplo lavadoiro e unha cuberta de madeira e lousa que protexe ambas as pezas. Trátase dun lugar moi agradable para repoñer forzas, refrescarse ou pararse un intre para gozar do murmurio da auga, moi apreciada para beber pola veciñanza.

Localización

Situada no barrio de Castelo, á saida de Becerreá pola N-VI dirección Lugo, atópase a marxe dereita, nunha explanada na que se pode aparcar doado.