Descrición

Quizá un dos espazos naturais máis singulares e delicados de Ancares Terras de Burón, se non de toda Galicia. Trátase dunha ampla afloración de rocha calcaria, posiblemente os restos de covas que colapsaron por efecto da auga, onde a abundante humidade ten xerado un bosque frondoso e case máxico. Nun Labirinto de rochas e pasadizos cubertos por espesos musgos, a luz que se filtra entre as árbores e os sons do bosque, fan deste lugar a esencia do micropaisaxe.

Localización

Situado a escasos 6 Km do centro da vila de Becerreá, pola N-VI dirección Madrid queda a man dereita. A mellor maneira de acceder é dende o núcleo de Augüeira na antiga estrada Madrid - A Coruña, pasando a pé, por un pequeno túnel que discorre por debaixo da N-VI.