Descrición

De orixe romana, por eiquí pasaba a Vía XIX, a lenda atribúe o seu nome a que o construíu o diaño por un trato cunha muller encinta que facía unha longa camiñata cada día, a cambio tiña que entregarlle o primeiro ser nacido na súa casa, a sorte quixo que a primeira en parir fose unha gata, de xeito que a muller saldou a débeda co demo dándolle un gatín. En perfecto estado, é unha construción harmónica e de gran beleza que forma un agradable conxunto con outras construccións e co bosque da Ribeira do Navia.

Localización

Situado no núcleo de Pontes de Gatín a uns 9 Km da Vila de Becerreá, tómase a LU-722, con dirección a Navia de Suarna, e no núcleo de Liber, cóllese a man dereita a LU-723, atopándose a ponte a pouco máis de 1 Km.