Conxunto etnográfico de O Cebreiro

Descrición

É un punto crave do Camiño de Santiago, ao ser a primeira poboación de Galicia que se atopan os peregrinos tras o duro ascenso dende a meseta. Destacan as pallozas, construcións tradicionais de orixe prerrománico, de fomas redondeadas, con muros de pedra e cuberta vexetal a base de grosos atados de palla de centeo ou "colmo". Servían de vivenda, almacén e cortes dos animais. Algunhas foron ocupadas ata mediados do século pasado e hoxe, están rehabilitadas con fins etnográficos e turísticos; xunto co santuario reciben miles de visitas ao ano.