Igrexa de San Xoan, en Hospital da Condesa

Descrición

A orixe do pobo e o seu nome débese á existencia dun antigo hospital para atender aos peregrinos, fundado no S. IX. por Dona Egilo, esposa do Conde Garzón. A igrexa, que se relacionou coa Orde de Malta, é de estilo románico, moi sinxela e construída con cachotería. Destacan como elementos singulares a grosa torre do campanario, á que se accede desde unha escaleira exterior que arrinca no mesmo muro que rodea a igrexa, así como un soportal que servía de refuxio. Moi preto atopamos unha fonte con lavadoiro, formando un conxunto moi interesante no Camiño Francés.