Descrición

É unha pequena aldea, media ducia de casas e un hórreo impoñente, situada no fondo dun val, sucado polo regato Veiga de Logares. Abandonada hai anos e en semirruina, mantén o encanto dunha típica aldea de montaña e é posible percorrela e explorar múltiples recunchos, sendo coidadosos na visita para evitar accidentes. Igualmente, a súa contorna é de gran beleza, así como o camiño que conduce á aldea.

Localización

Desde o Concello de A Fonsagrada, tomamos a LU-701 en dirección Asturias, en Vilardíaz (Pk17,9)seguimos pola LU P-1904 ata o pobo de Veiga de Logares (Pk 20,9), onde tomaremos o desvío a esquerda pola LU P-1909, pola que seguiremos 1.1 km ata onde deixaremos o coche aparcado e continuaremos andando a esquerda ata o pobo de Romeár.