Descrición

Aparentemente, na súa orixe foi unha pequena capela á que se foron engadindo outras pezas. Destaca a entrada porticada, medio pechada por dous portóns de madeira. Na espadana, hai un campanario con dúas campás. O estado exterior indica abandono, con grandes humidades e posibles afundimentos na cuberta. Con todo, mantén un innegable atractivo visual e unha situación privilexiada no val. Á beira está a reitoral, tamén camiño da ruína.

Localización

Dende A Fonsagrada colleremos a LU-530 dirección Lugo 400 m. Logo desviaremonos á dereita pola LU-740 dirección Vilardíaz pola que iremos 19,29 km ata chegar a san Martín de Robledo onde teremos a Igrexa.